ಭಾರತೀಯ ಅಂಚೆ ಇಲಾಖೆಯಲ್ಲಿ 28,740ಹುದ್ದೆಗಳಬೃಹತ್ ನೇಮಕಾತಿ:10ನೇತರಗತಿ ಪಾಸಾದವರಿಗೆ ಸುವರ್ಣಾವಕಾಶ!

ಭಾರತೀಯ ಅಂಚೆ ಇಲಾಖೆಯು (India Post) 2026ನೇ ಸಾಲಿನ ಬೃಹತ್ ನೇಮಕಾತಿ ಪ್ರಕ್ರಿಯೆಯನ್ನು ಆರಂಭಿಸಲು ಸಜ್ಜಾಗಿದ್ದು, ಒಟ್ಟು 28,740 ಗ್ರಾಮೀಣ ಡಾಕ್ ಸೇವಕ್ (GDS) ಹುದ್ದೆಗಳಿಗೆ ಅಧಿಸೂಚನೆ ಶೀಘ್ರದಲ್ಲೇ ಹೊರಬೀಳಲಿದೆ. 10ನೇ ತರಗತಿ ಪಾಸಾದ ಅಭ್ಯರ್ಥಿಗಳಿಗೆ ಇದು ಸುವರ್ಣಾವಕಾಶವಾಗಿದ್ದು, ಯಾವುದೇ ಲಿಖಿತ ಪರೀಕ್ಷೆಯಿಲ್ಲದೆ ಕೇವಲ ಮೆರಿಟ್ ಆಧಾರದ ಮೇಲೆ ಆಯ್ಕೆ ನಡೆಯಲಿದೆ.

India Post GDS Recruitment 2026: ಪ್ರಮುಖ ವಿವರಗಳು

ಈ ನೇಮಕಾತಿಯ ಮೂಲಕ ಗ್ರಾಮೀಣ ಡಾಕ್ ಸೇವಕ್ (GDS), ಬ್ರಾಂಚ್ ಪೋಸ್ಟ್‌ಮಾಸ್ಟರ್ (BPM), ಮತ್ತು ಅಸಿಸ್ಟೆಂಟ್ ಬ್ರಾಂಚ್ ಪೋಸ್ಟ್‌ಮಾಸ್ಟರ್ (ABPM) ಹುದ್ದೆಗಳನ್ನು ಭರ್ತಿ ಮಾಡಲಾಗುತ್ತದೆ.

ವಿವರಗಳು	ಮಾಹಿತಿ
ನೇಮಕಾತಿ ಸಂಸ್ಥೆ	ಭಾರತೀಯ ಅಂಚೆ ಇಲಾಖೆ (India Post Office)
ಹುದ್ದೆಯ ಹೆಸರು	GDS, BPM ಮತ್ತು ABPM
ಒಟ್ಟು ಹುದ್ದೆಗಳು	28,740 (ಅಂದಾಜು)
ವಿದ್ಯಾರ್ಹತೆ	10ನೇ ತರಗತಿ ಉತ್ತೀರ್ಣ
ಆಯ್ಕೆ ಪ್ರಕ್ರಿಯೆ	10ನೇ ತರಗತಿಯ ಅಂಕಗಳ ಆಧಾರದ ಮೇಲೆ.
ಅಧಿಕೃತ ವೆಬ್‌ಸೈಟ್	indiapostgdsonline.gov.in

ಪ್ರಮುಖ ದಿನಾಂಕಗಳು

ಅಧಿಸೂಚನೆಯು ಜನವರಿ ಅಂತ್ಯದೊಳಗೆ ಬಿಡುಗಡೆಯಾಗುವ ಸಾಧ್ಯತೆಯಿದೆ. ಅಭ್ಯರ್ಥಿಗಳು ಈ ಕೆಳಗಿನ ತಾತ್ಕಾಲಿಕ ವೇಳಾಪಟ್ಟಿಯನ್ನು ಗಮನಿಸಬಹುದು:

• ಅಧಿಸೂಚನೆ ಬಿಡುಗಡೆ: 31 January 2026

ವಿವರ	ಮಾಹಿತಿ
ಒಟ್ಟು ಹುದ್ದೆಗಳು	28,740 (ಕರ್ನಾಟಕದಲ್ಲಿ 1,023)
ಅಧಿಸೂಚನೆ ಹೊರಬೀಳುವ ದಿನ	ಜನವರಿ 31, 2026 (ನಿರೀಕ್ಷಿತ)
ಅರ್ಜಿ ಸಲ್ಲಿಸಲು ಕೊನೆಯ ದಿನ	ಫೆಬ್ರವರಿ 16, 2026
ಅರ್ಜಿ ಶುಲ್ಕ	₹100(SC/ST/ಮಹಿಳೆಯರಿಗೆ ಶುಲ್ಕವಿಲ್ಲ)
ಆಯ್ಕೆ ಪಟ್ಟಿ ಪ್ರಕಟ	ಫೆಬ್ರವರಿ 28, 2026

• ಆನ್‌ಲೈನ್ ಅರ್ಜಿ ಸಲ್ಲಿಕೆ ಆರಂಭ: 31/01/2026
• ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: 14 /02/ 2026
• ಅರ್ಜಿ ತಿದ್ದುಪಡಿ ಕಾಲಾವಕಾಶ: 18/02/ 2026 ರಿಂದ 19 /02/2026
• ಮೊದಲ ಮೆರಿಟ್ ಪಟ್ಟಿ ಪ್ರಕಟಣೆ: 28 /02/2026

ಕರ್ನಾಟಕ ಮತ್ತು ಇತರ ರಾಜ್ಯಗಳ ಹುದ್ದೆಗಳ ಹಂಚಿಕೆ

ಭಾರತದಾದ್ಯಂತ ವಿವಿಧ ಅಂಚೆ ವೃತ್ತಗಳಲ್ಲಿ ಹುದ್ದೆಗಳನ್ನು ಹಂಚಿಕೆ ಮಾಡಲಾಗಿದ್ದು, ಕರ್ನಾಟಕದಲ್ಲಿ 1,023 ಹುದ್ದೆಗಳು ಲಭ್ಯವಿರುವ ನಿರೀಕ್ಷೆಯಿದೆ. ಮಹಾರಾಷ್ಟ್ರ (3,553) ಮತ್ತು ಉತ್ತರ ಪ್ರದೇಶ (3,169) ರಾಜ್ಯಗಳಲ್ಲಿ ಅತಿ ಹೆಚ್ಚು ಹುದ್ದೆಗಳಿವೆ.

ಅಂಚೆ ವೃತ್ತದ ಹೆಸರು	ನಿರೀಕ್ಷಿತ ಹುದ್ದೆಗಳು
ಆಂಧ್ರಪ್ರದೇಶ	1060
ಅಸ್ಸಾಂ	639
ಬಿಹಾರ	1347
ಛತ್ತೀಸ್‌ಗಢ	1155
ದೆಹಲಿ	42
ಗುಜರಾತ್	1830
ಹರಿಯಾಣ	270
ಹಿಮಾಚಲ ಪ್ರದೇಶ	520
ಜಮ್ಮು ಮತ್ತು ಕಾಶ್ಮೀರ	267
ಜಾರ್ಖಂಡ್	908
ಕರ್ನಾಟಕ	1023
ಕೇರಳ	1691
ಮಧ್ಯಪ್ರದೇಶ	2120
ಮಹಾರಾಷ್ಟ್ರ	3553
ಈಶಾನ್ಯ ರಾಜ್ಯಗಳು	1014
ಒರಿಸ್ಸಾ	1191
ಪಂಜಾಬ್	262
ರಾಜಸ್ಥಾನ	634
ತಮಿಳುನಾಡು	2009
ತೆಲಂಗಾಣ	609
ಉತ್ತರ ಪ್ರದೇಶ	3169
ಉತ್ತರಾಖಂಡ	445
ಪಶ್ಚಿಮ ಬಂಗಾಳ	2982
ಒಟ್ಟು ಹುದ್ದೆಗಳು	28740

ಅರ್ಹತಾ ಮಾನದಂಡಗಳು

1.    ವಿದ್ಯಾರ್ಹತೆ: ಅಭ್ಯರ್ಥಿಗಳು ಮಾನ್ಯತೆ ಪಡೆದ ಮಂಡಳಿಯಿಂದ 10ನೇ ತರಗತಿಯಲ್ಲಿ ಗಣಿತ ಮತ್ತು ಇಂಗ್ಲಿಷ್ ವಿಷಯಗಳೊಂದಿಗೆ ಉತ್ತೀರ್ಣರಾಗಿರಬೇಕು.

2.    ಭಾಷಾ ಜ್ಞಾನ: ಅಭ್ಯರ್ಥಿಯು ತಾನು ಅರ್ಜಿ ಸಲ್ಲಿಸುವ ವೃತ್ತದ ಸ್ಥಳೀಯ ಭಾಷೆಯನ್ನು (ಉದಾಹರಣೆಗೆ ಕರ್ನಾಟಕಕ್ಕೆ ಕನ್ನಡ) 10ನೇ ತರಗತಿಯವರೆಗೆ ಅಭ್ಯಾಸ ಮಾಡಿರಬೇಕು ಮತ್ತು ಅದರಲ್ಲಿ ಪ್ರಾವೀಣ್ಯತೆ ಹೊಂದಿರಬೇಕು.

3.    ವಯೋಮಿತಿ: ಕನಿಷ್ಠ 18 ವರ್ಷ ಮತ್ತು ಗರಿಷ್ಠ 40 ವರ್ಷ. (SC/ST ಅಭ್ಯರ್ಥಿಗಳಿಗೆ 5 ವರ್ಷ ಮತ್ತು OBC ಅಭ್ಯರ್ಥಿಗಳಿಗೆ 3 ವರ್ಷ ವಯೋಮಿತಿ ಸಡಿಲಿಕೆ ಇರುತ್ತದೆ).

4.    ಇತರೆ: ಕಂಪ್ಯೂಟರ್‌ನ ಮೂಲಭೂತ ಜ್ಞಾನ ಮತ್ತು ಸೈಕಲ್ ತುಳಿಯುವ ಸಾಮರ್ಥ್ಯ ಕಡ್ಡಾಯ.

ವೇತನ ಶ್ರೇಣಿ 

ಆಯ್ಕೆಯಾದ ಅಭ್ಯರ್ಥಿಗಳಿಗೆ ಮಾಸಿಕವಾಗಿ ‘Time Related Continuity Allowance’ (TRCA) ಅಡಿಯಲ್ಲಿ ವೇತನ ನೀಡಲಾಗುತ್ತದೆ.

• Branch Post Master: ₹12,000 ರಿಂದ ₹29,380
• ABPM/Dak Sevak: ₹10,000 ರಿಂದ ₹24,470

 

 

ಅರ್ಜಿ ಸಲ್ಲಿಸುವುದು ಹೇಗೆ?

ಅಭ್ಯರ್ಥಿಗಳು ಅಧಿಕೃತ ವೆಬ್‌ಸೈಟ್ indiapostgdsonline.gov.in ಗೆ ಭೇಟಿ ನೀಡಿ ಈ ಕೆಳಗಿನ ಹಂತಗಳನ್ನು ಅನುಸರಿಸಬೇಕು:

1.    ಮೊಬೈಲ್ ಸಂಖ್ಯೆ ಮತ್ತು ಇಮೇಲ್ ಬಳಸಿ ನೋಂದಣಿ  ಮಾಡಿಕೊಳ್ಳಿ.

2.    ನೋಂದಣಿ ಸಂಖ್ಯೆಯ ಮೂಲಕ ಲಾಗಿನ್ ಆಗಿ ಅರ್ಜಿ ನಮೂನೆಯನ್ನು ಭರ್ತಿ ಮಾಡಿ.

3.    ಅಗತ್ಯ ದಾಖಲೆಗಳನ್ನು (ಫೋಟೋ, ಸಹಿ, 10ನೇ ತರಗತಿ ಅಂಕಪಟ್ಟಿ) ಅಪ್‌ಲೋಡ್ ಮಾಡಿ.

4.    ಸಾಮಾನ್ಯ/OBC ಅಭ್ಯರ್ಥಿಗಳು ₹100 ಅರ್ಜಿ ಶುಲ್ಕ ಪಾವತಿಸಿ (SC/ST/ಮಹಿಳೆಯರಿಗೆ ಶುಲ್ಕವಿಲ್ಲ).

5.    ಅರ್ಜಿಯನ್ನು ಸಲ್ಲಿಸಿ, ಪ್ರತಿಯನ್ನು ಡೌನ್‌ಲೋಡ್ ಮಾಡಿಕೊಳ್ಳಿ.

ಹೆಚ್ಚಿನ ಮಾಹಿತಿಗಾಗಿ ಮತ್ತು ಅಧಿಕೃತ ಅಧಿಸೂಚನೆಗಾಗಿ ಅಭ್ಯರ್ಥಿಗಳು ನಿಯಮಿತವಾಗಿ ಅಂಚೆ ಇಲಾಖೆಯ ವೆಬ್‌ಸೈಟ್ ಗಮನಿಸುತ್ತಿರಲು ಸೂಚಿಸಲಾಗಿದೆ.